БНХАУ-д эрэлт буурах төлөвтэй болсноор зэсийн үнэ 4 өдөр дараалан унаад байна

Зэсийн үнэ даваа гарагт дөрөв дэх өдрөө дараалан буурсан байна. БНХАУ-д эрэлт буурах төлөвтэй болсон нь үүнд нөлөөлжээ.

 

Өнгөрсөн сард БНХАУ-ын боловсруулаагүй зэсийн импорт сүүлийн гурван сарын доод түвшинд хүрсэн байна. 2021 он гарснаас хойш зэсийн үнэ 27 хувиар өсөөд байгаа юм. Сүүлийн нэг сарын хугацаанд тонн нь 10 мянга орчим ам.долларт тогтворжоод байна.

Үүнээс гадна Чили улсын зэсийн экспорт тавдугаар сард өмнөх оны мөн үеэс 70 хувиар өсөж, 4.9 тэрбум ам.доллар хүрсэн байна. Зэсийн үнэ эрчимтэй өссөн нь экспортын орлого өсөхөд нөлөөлжээ. Чили улсын хувьд зэс, литийн борлуулалтад гурван хувийн татвар ногдуулах хуулийн төслийг хэлэлцэж байгаа юм.

 

Bloomberg Tv