Монгол Улс оны эхнээс 393.2 мян.тн зэсийн баяжмал экспортолжээ

Энэ оны 4 дүгээр сарын 8-аас 14-ний өдрүүдэд авто замаар 2,067 чингэлэг, төмөр замаар 200 чингэлэг нийт оны эхнээс 2,982.6 мян.тн нүүрс экспортод гаржээ.

Мөн хугацаанд авто замаар 288 чингэлэг, төмөр замаар 211 чингэлэг буюу оны эхнээс 393.2 мян.тн зэсийн баяжмал экспортолсон нь өнгөрөгч оны мөн үеэс 14.6 хувийн өсөлттэй байна. Харин он гарсаар манай улс 680 тн катодын зэс экспортолжээ.

Төмрийн хүдэр, баяжмалын тухайд авто замаар 13, төмөр замаар 1355 чингэлэг буюу оны эхнээс нийт 806.5 мян.тн-ыг экспортолжээ. 

Төв банк оны эхнээс дөрөвдүгээр сарын 14-ний байдлаар 3,548.2 кг алт худалдан авсан нь өнгөрөгч оны мөн үеэс 143.4 кг-аар буюу 4.2 хувиар өсөв.

Эх сурвалж: УУХҮЯ