2026 оны 06 дугаар сарын 11-ний өдөр                                                                                                           Улаанбаатар хот 

Монгол Улсын стратегийн орд болох Оюу Толгой ордын төрийн эзэмшлийн 34 хувийн хувьцааг эзэмшигч, төрийн өмчит “Эрдэнэс Оюу Толгой” ХХК-д санхүү болон хууль, эрх зүйн чиглэлээр ажилд орох сонирхлоо илэрхийлэхийг нээлттэй урьж байна.

Монгол Улсын стратегийн ач холбогдол бүхий Оюу толгой ордын төрийн эзэмшлийн хувьцааны эрхийг хэрэгжүүлэгчийн хувьд “Эрдэнэс Оюу Толгой” ХХК нь Монгол Улсын Засгийн газрын 34 хувийн эзэмшлийг төлөөлөн стратегийн ач холбогдол бүхий ашигт малтмалын ордод үйл ажиллагаа явуулах “Оюу толгой” төслийн хүрээнд Монгол Улсын эрх ашгийг хамгаалах, компанийн засаглалыг нэгдмэл байдлаар хэрэгжүүлэх үндсэн зарчимд тулгуурлан, ашигт малтмалын ордыг ашиглах үеийн төслийн үр өгөөжийг Монголын талд хүртээх, Үндэсний баялгийн санд төвлөрүүлэх үндсэн чиг үүрэг бүхий төрийн өмчит компани юм.

“Эрдэнэс Оюу Толгой” ХХК-д ажилласнаар Оюу толгой төслийн санхүүгийн төлөвлөлт, гүйцэтгэл, санхүүгийн загварчлал, санхүүжилтийн бүтэц, нягтлан бодох бүртгэл, компанийн эрх зүйн баримт бичгүүдэд хяналт тавих, дүн шинжилгээ хийж боловсронгуй болгох санал боловсруулах, компанийн засаглалын хүрээнд Төлөөлөн удирдах зөвлөл, Хувьцаа эзэмшигчдийн хурлын шийдвэр гаргах үйл ажиллагаа, Монголын талаас хөрөнгө оруулагч талтай хийх аливаа хэлэлцээрт оролцох зэргээр Монгол Улсын хөгжилд хувь нэмрээ бодитой оруулах, мэргэжлийн хувьд өсөж дэвжих боломжийг Та бүхэнд санал болгож байна.         

Ажлын байр, тавигдах шаардлага

“Эрдэнэс Оюу Толгой” ХХК нь санхүүгийн шинжээч, ахлах шинжээч, хуульч, ахлах хуульчийн ажлын байранд дараах шаардлага хангасан иргэдийг нээлттэй сонирхлоо илэрхийлэхийг урьж байна. Үүнд:

1. Мэргэжлээрээ (санхүү, нягтлан бодох бүртгэл, хуульч) ажиллаж байсан туршлагатай байх; 
2. Сонирхлоо илэрхийлэх ажлын байранд хамаарах мэргэжлийн дээд боловсролын зэрэгтэй байх; 
3. Хөрөнгө оруулалт, уул уурхайн салбарын  бодлого, онцлог, гадаад орчин, зах зээлийн чиг хандлагын талаар ойлголт мэдлэгтэй байх;
4. Ял шийтгэл эдэлж байгаагүй байх;
5. Мэргэжлийн англи хэлний мэдлэгтэй байх;
6. Дотоодын болон олон улсын мэргэшлийн зэрэг, цолтой бол (CFA, ACCA, мэргэшсэн нягтлан бодогч, татварын мэргэшсэн зөвлөх, хуульч, олон улсын эрхтэй хуульч зэрэг) давуу тал болно;

Бүрдүүлэх материал

1. Сонгон шалгаруулалтад оролцох хүсэлт (Сонгон шалгаруулалтад оролцох хүсэлтээ тодорхой бичиж, өөрийн мэдлэг, ур чадвар, туршлага, тухайн албан тушаалын чиг үүрэг);
2. Анкет (Төрийн албан хаагчийн хувийн хэрэг хөтлөх журмын 1 дүгээр хавсралт, 2025 он); 
3. CV (өөрийн хүссэн загвараар)
4. Боловсролын диплом, мэргэжлийн үнэмлэх, гадаад хэлний мэдлэг чадвар, мэргэжлийн зэргийг илэрхийлэх гэрчилгээ, сургалт семинарт хамрагдсан гэрчилгээ, сертификатын хуулбар; 
5. Нийгмийн даатгалын шимтгэл төлөлт, иргэний үнэмлэх, эрүүгийн хариуцлага хүлээж байсан эсэх тухай e-mongolia лавлагаа
6. Шаардлагатай гэж үзсэн бусад нэмэлт баримт, материал

Сонгон шалгаруулалтын үе шат

Сонгон шалгаруулалт нь баримт бичгийг хянах, шалгалт авах, сонгон шалгаруулалтын дүнг гаргах үе шаттай байна. Шалгалтын үе шат нь сонгон шалгаруулалтад оролцогчдын мэдлэгийн түвшин, асуудал шийдвэрлэх чадвар, зан байдал, хандлагыг тодорхойлоход чиглэнэ.

 Материал хүлээн авах хаяг, хугацаа, шаардлага

Материалыг цахим (нэг pdf файл)-аар бэлтгэж, 2026 оны 06 дугаар сарын 18-ны өдрийн 11:00 цагаас өмнө [email protected] цахим хаягаар ирүүлнэ үү. 

Материал хүлээн авсантай холбоотой компани тухайн оролцогчийн өмнө аливаа хариуцлага хүлээхгүй болно.

СОНГОН ШАЛГАРУУЛАЛТЫН АЖЛЫН ХЭСЭГ