Таницуулга

Ерөнхий танилцуулга

ДЭЛГЭРЭНГҮЙ МЭДЭЭЛЭЛ

Монгол Улсын Засгийн газар, "Рио Тинто Интернэшнл Холдингс Лимитед", "Айвенхоу Майнз Монголия Инк" ХХК (одоогийн "Оюу Толгой" ХХК), "Айвенхоу Майнз Лимитед" компаниудын хооронд Оюу Толгойн зэс, алтны ордыг ашиглах "Хөрөнгө оруулалтын гэрээ"-г 2009 онд, "Эрдэнэс МГЛ" ХХК (одоогийн "Эрдэнэс Монгол" ХХК), Айвенхоу Оюу Толгой (БиВиАй) Лтд, Оюу Толгой Нидерланд Би.Ви, Айвенхоу Майнз Монголия Инк XXK зэрэг хувь нийлүүлэгч талуудын хооронд "Хувь нийлүүлэгчдийн гэрээ"-г 2009 онд, "Нэмэлт, өөрчлөлт оруулж, дахин тодотгосон Хувь нийлүүлэгчдийн гэрээ"-г 2011 онд тус тус байгуулан ажиллаж байна.

Дээрх гэрээ байгуулагдсанаар төсөл хэрэгжүүлэгч "Оюу Толгой" ХХК -ийн нийт хувьцааны 34 хувийг Монгол Улсын Засгийн газрыг төлөөлөн төрийн өмчит "Эрдэнэс МГЛ" ХХК (одоогийн "Эрдэнэс Монгол" ХХК) эзэмших болсон бөгөөд Монгол Улсын Засгийн газрын 2011 оны 348 дугаар тогтоол, "Эрдэнэс Монгол" ХХК -ийн Төлөөлөн удирдах зөвлөлийн 2011 оны 28 дугаар тогтоолуудаар түүний охин компани хэлбэрээр 100 хувь төрийн өмчит "Эрдэнэс Оюу Толгой" ХХК -ийг үүсгэн байгуулж, "Оюу Толгой" ХХК -ийн төрийн эзэмшлийн 34 хувийн хувьцааг албан ёсоор шилжүүлсэн билээ.

Эрдэнэс Оюу Толгой ХХК нь "Оюу толгой ордоос Монгол Улсын хүртэх үр ашгийг нэмэгдүүлэх арга хэмжээний тухай" УИХ, Засгийн газрын тогтоол шийдвэрийн хэрэгжилтийг бүрэн хангуулахаар ажиллаж байна.

ТУХАЙЛБАЛ

  • 2022 оны 8, 9 дүгээр сард Оюу Толгойн Далд уурхайн бүтээн байгуулалт, санхүүжилтийн төлөвлөгөө (ДУББСТ), Далд уурхайн бүтээн байгуулалт, санхүүжилтийн нэмэлт төлөвлөгөө (ДУББСНТ)-г байгуулсан талуудын харилцан бичгээр илэрхийлсэн санал, зөвшөөрлийг үндэслэн Монгол Улсын хууль тогтоомжид нийцүүлэн цуцалж, хүчингүй болгох, түүний үйлчлэлийг зогсоох, тэдгээр гэрээ-эрх зүйн баримт бичгийн үр дагавраар үүссэн асуудлуудыг шийдвэрлэх
  • Оюу Толгойн далд уурхайн бүтээн байгуулалтын санхүүжилтэд хөндлөнгийн аудит хийж дуусгах, үр дүнг Засгийн газар, "Ажлын хэсэг"-т танилцуулж, талуудын хооронд хийгдэж буй яриа хэлэлцээрт дэмжлэг үзүүлэх зорилгоор санал боловсруулах
  • Монгол Улсын Ерөнхий сайд, "Ажлын хэсэг"-ээс өгсөн чиглэлийн дагуу ус ашиглалтыг сайжруулах чиглэлээр "Хэрлэн тооно" усан цогцолборын техник, эдийн засгийн үндэслэл (ТЭЗҮ)-ийг дахин шинэчлтгэх, энэ зорилгоор Оюу төсөлтэй хамтран ажиллаж Хангайн бүсээс говийн бүсийн аж үйлдвэр болон уул уурхайн төслүүдийн усан хангамжийг цогцоор нь шийдвэрлэхэд хамтран ажиллах, төслийн хэрэгжилтийг хангуула
  • Оюу Толгой төслийн байгаль орчин, нийгэм, засаглалыг сайжруулах чиглэлээр гэрээний үндсэн дээр "Оюу Толгой" ХХК-тай хамтран ажиллах;
  • Татварын актуудын биелэлтийг хангуулах, цаашид нэг мөр ойлгож дагаж мөрдөхийг хүлээн зөвшөөрүүлж, хэрэгжүүлэх талаар ажлын хэсэгтэй хамтран ажиллах, холбогдох тооцоолол, судалгааг хийж, мэдээллээр хангах.

Дээрх зорилт, хөтөлбөр, төлөвлөгөөг хэрэгжүүлснээр төслийн үнэ цэнэ-өрсөлдөх чадварыг дээшлүүлэх, төслөөс хүртэх Монгол Улсын өгөөж нэмэгдэх тодорхой хөшүүрэг бий болж буй юм.

Компанийн Ерөнхий танилцуулгатай холбоотой эх сурвалж

Дэлгэрэнгүй мэдээлэл авах эх сурвалж:

Бүтээмж, засаглалын хэлтэсийн мэргэжилтэн Б.Урангоо

Холбоо барих утас: 7007-8085

Цахим шуудан: [email protected]