Төслийн явцын тухай
ОЮУ ТОЛГОЙ ТӨСЛИЙН ЯВЦ
ҮЙЛВЭРЛЭЛ
- “Оюу Толгой” ХХК нь 2013 оны 01 дүгээр сараас хүдэр боловсруулж эхэлсэн, баяжуулах үйлдвэр нь жилд 40 сая тонн хүдэр боловсруулах хүчин чадалтай (хоногт – 110 мян.тонн хүдэр).
- 2013 - 2024 онд нийт 432 сая тонн хүдэр боловсруулж, 8.4 сая тонн зэсийн баяжмал үйлдвэрлэсэн. (жилд дунджаар 700 мянган хуурай тонн баяжмал).
- 2013-2024 онд баяжмалд агуулагдах металл: 2 сая тонн зэс (жилд дунджаар 160 мянган тонн), 112 тонн алт (жилд дунджаар 9 тонн), 378 тонн мөнгө (жилд дунджаар 31.5 тонн).
- Далд уурхайн олборлолт 2023 оноос эхэлснээр баяжмал үйлдвэрлэл нэмэгдэж байгаа ба 2030 онд бүрэн хүчин чадалдаа хүрч баяжмал дахь зэсийн хэмжээ 3 дахин өсөж 600 мян.тн хүрэхээр байна.
БОРЛУУЛАЛТ, САНХҮҮГИЙН ҮР ДҮН
ОТ ХХК нь 2013-2025 онд нийт 23.0 тэрбум ам.долларын (жилд дунджаар 1.8 тэрбум ам.доллар) борлуулалтын орлоготой ажилласан ба түүний 70 хувийг зэс, 29 хувийг алт, 1 хувийг мөнгөний борлуулалт тус тус бүрдүүлсэн байна.
ТӨСЛИЙН ШУУД ӨГӨӨЖ
2015-2025 оны байдлаар Оюу Толгой төсөл нь Монгол Улсын нийт экспортын орлогын 19.7%, эрдэс бүтээгдэхүүний экспортын 21.5%, гадаад валютын нөөцийн 41%-ийг бүрдүүлсэн.
2010-2025 онд төсөвт нийт 3.5 тэрбум ам.долларын татвар хураамж төлсөн.
СҮҮЛИЙН ҮЕИЙН ОНЦЛОХ ҮЙЛ ЯВДЛУУД: 2025 ОНД
- Далд уурхай бүтээн байгуулалтаас үйлдвэрлэлийн үе шатруу бүрэн шилжиж байна.
- 30 жилийн хугацаатай Хөрөнгө оруулалтын гэрээ (ХөОГ) 2 дугаар хагастаа шилжлээ.
- 7 жил тутамд зээлийн хүүг хянаж, бууруулах хугацаа 2025 онд тохиож байгаа.
- Оюу толгойн ажилчдад зориулсан байнгын орон сууц баригдаж эхэлнэ.
- УИХ-аар Ханбогд сумыг орон нутгийн зэрэглэлтэй хот болгохоор хуульчилсан.
- Сэргээгдэх эрчим хүчний төслийг эхлүүлсэн, энэ нь импортоор авч буй эрчим хүчний хэрэглээг 30%-иар бууруулах зорилготой.
- Говийн бүсийг экологийн усаар хангах, элсний нүүдлийг бууруулах, тэрбум мод төслийг дэмжих Хэрлэн голд түшиглэсэн усан сан бүхий “Хэрлэн тооно” төслийн ТЭЗҮ хийгдэж байгаа.
- Цэвэр катодын зэс үйлдвэрлэх төслийн Урьдчилсан техник эдийн засгийн үндэслэлийг 2025 оны 6 дугаар сард хийж дуусгахаар төлөвлөж байна.
- Татварын маргаан эцэслэгдэнэ.
- Гадаад валютын нөөцийг бүрдүүлэхэд голлох байр суурь эзэлсэн хэвээрээ байна.
ХУДАЛДАН АВАЛТ, АЖИЛЛАХ ХҮЧ
ХУДАЛДАН АВАЛТ
-
2010-2025 онд нийт 16.1 тэрбум ам.долларын худалдан авалт хийгдсэн ба үүний 88 хувь буюу 14.2 тэрбум ам.доллар нь дотоодоос хийгдсэн худалдан авалт байна.
2025 онд ОТ ХХК-ийн худалдан авалтын баг 1,090 ханган нийлүүлэгчтэй хамтран ажилласны 71 хувь буюу 770 нь дотоодын, 29 хувь буюу 30 нь гадаадын ханган нийлүүлэгчид байв.
2025 онд нийт 1.9 тэрбум ам.долларын худалдан авалт хийсэн.
АЖИЛЛАХ ХҮЧ
- 2025 оны эцсийн байдлаар нийт 19,144 (292 гадаад, 18,852 дотоод) үндсэн болон гэрээт ажилчид ажиллаж байна.
- “Оюу толгой” ХХК-ийн 4,719 үндсэн ажилчдын 97.8 хувийг Монгол улсын иргэд бүрдүүлж байгаагаас гадна, ажилчдын 24.2 хувь нь Өмнөговь аймгийн иргэд байна.
Бидний харилцан итгэлцэл, үр дүнтэй хамтын ажиллагаа, шинэ техник технологийн дэвшлийг нэвтрүүлснээр ОТ төсөл нь Монгол улсын хөгжлийн хурдасгуур, бодит хүч болно гэж харж байна.