“ЭРДЭНЭС ОЮУ ТОЛГОЙ” ХХК-ИЙН
СУЛ АЖЛЫН БАЙРНЫ НЭЭЛТТЭЙ  СОНГОН ШАЛГАРУУЛАЛТЫН ЗАР

                  2026 оны 09 дүгээр сарын 17-ны өдөр                                                                                              Улаанбаатар хот 

Монгол Улсын стратегийн орд болох Оюу Толгой ордын төрийн эзэмшлийн 34 хувийн хувьцааг эзэмшигч, төрийн өмчит “Эрдэнэс Оюу Толгой” ХХК нь Бүсчилсэн хөгжил, орон нутаг хариуцсан мэргэжилтэн болон Гүйцэтгэх захирлын туслах ажлын байруудад ажиллах, шаардлага хангасан иргэдийг нээлттэй сонирхлоо илэрхийлэхийг урьж байна.

Монгол Улсын стратегийн ач холбогдол бүхий Оюу толгой ордын төрийн эзэмшлийн хувьцааны эрхийг хэрэгжүүлэгчийн хувьд “Эрдэнэс Оюу Толгой” ХХК нь Монгол Улсын Засгийн газрын 34 хувийн эзэмшлийг төлөөлөн стратегийн ач холбогдол бүхий ашигт малтмалын ордод үйл ажиллагаа явуулах “Оюу толгой” төслийн хүрээнд Монгол Улсын эрх ашгийг хамгаалах, компанийн засаглалыг нэгдмэл байдлаар хэрэгжүүлэх үндсэн зарчимд тулгуурлан, ашигт малтмалын ордыг ашиглах үеийн төслийн үр өгөөжийг Монголын талд хүртээх, Үндэсний баялгийн санд төвлөрүүлэх үндсэн чиг үүрэг бүхий төрийн өмчит компани юм.

“Эрдэнэс Оюу Толгой” ХХК-д ажилласнаар стратегийн ач холбогдол бүхий ордын төрийн эзэмшлийн хувьцааны эрхийг хэрэгжүүлэгч, төрийн өмчит компанид цомхон, мэргэшсэн хамт олонтой хамтран ажиллаж мэргэжлийн хувьд өсөж дэвжих боломжийг Та бүхэнд санал болгож байна.

1. Бүсчилсэн хөгжил, орон нутаг хариуцсан мэргэжилтэн

Ажлын байрны зорилго, чиг үүрэг: 

Оюу Толгой төсөлтэй холбоотойгоор Өмнөговь аймаг, Ханбогд сум болон бүс нутгийн хөгжлийг дэмжих төсөл, хөтөлбөрүүдийг хэрэгжүүлэх, холбогдох судалгаа, шинжилгээг тухай бүрд хийж, мэдээлэл, танилцуулга, санал, дүгнэлт боловсруулах, компанийн дэвшүүлсэн зорилго, зорилт, “Стратеги төлөвлөгөө” болон “Бизнес төлөвлөгөө”-г хэрэгжүүлэх зорилгоор олон нийт, хамтын ажиллагааны хүрээнд мэдээлэл боловсруулах, төслийн үйл ажиллагааны талаар үнэн бодитой мэдээллийг хүргэхээр холбогдох байгууллагуудтай хамтран ажиллаж, гүйцэтгэлийн үр дүнг удирдлагын өмнө хариуцна.

Ажлын байранд тавигдах шаардлага

1. Олон улсын харилцаа, сэтгүүл зүй, бизнесийн удирдлага, төрийн удирдлага мэргэжлээр бакалаврын болон түүнээс дээш боловсролын зэрэгтэй байх;
2. Мэргэжлээрээ 3-аас доошгүй жил ажилласан байх;
3. Хөрөнгө оруулалт, уул уурхайн салбарын бодлого, онцлогийн талаар ойлголт мэдлэгтэй байх;
4. Ял шийтгэл эдэлж байгаагүй байх;
5. Англи хэлний өндөр түвшний мэдлэг, чадвартай байх, Academic IELTS 7.0 болон түүнээс дээш оноо (түүнтэй дүйцэх)-той байх, эсхүл гадаад улсын англи хэл дээр үндсэн хөтөлбөр бүхий их дээд сургуулийн үндсэн бакалаврын хөтөлбөр дүүргэсэн байх;
6. Microsoft Office болон хэрэглээний программуудыг бүрэн эзэмшсэн, мэдээлэл харилцааны технологийг ашиглах чадвартай байх.

2. Гүйцэтгэх захирлын туслах

Ажлын байрны зорилго, чиг үүрэг:

Гүйцэтгэх удирдлагын өдөр тутмын үйл ажиллагааг үр дүнтэй, шуурхай зохион байгуулахад дэмжлэг үзүүлж, удирдлагын өгсөн үүрэг даалгаврыг хэрэгжүүлэх, удирдлагын шийдвэрийн хэрэгжилтэд хяналт тавих, холбогдох мэдээлэл, баримт бичгийг бэлтгэх, уулзалт, хурлын зохион байгуулалтыг хангах, дотоод болон гадаад харилцаа, мэдээллийн урсгалыг уялдуулах, шаардлагатай мэдээ, тайлан, судалгааг нэгтгэн танилцуулах, компанийн “Стратеги төлөвлөгөө” болон “Бизнес төлөвлөгөө”-ний хэрэгжилтийг хангах чиг үүргийг хэрэгжүүлэн ажиллаж, холбогдох тайлагнал, гүйцэтгэлийн үр дүнг нэгжийн удирдлага, Гүйцэтгэх захирлын өмнө хариуцна.

Ажлын байранд тавигдах шаардлага

1. Бизнесийн удирдлага,  санхүү, менежмент, шинжлэх ухааны чиглэлээр бакалаврын болон түүнээс дээш боловсролын зэрэгтэй байх;
2. Бусад байгууллагад 1-ээс доошгүй жил ажилласан туршлагатай байх, гүйцэтгэх захирал, эсхүл байгууллагын даргын туслах хийж байсан туршлагатай бол давуу тал болно;
3. Хөрөнгө оруулалт, уул уурхайн салбарын бодлого, онцлогийн талаар ойлголт мэдлэгтэй байх;
4. Ял шийтгэл эдэлж байгаагүй байх;
5. Англи хэлний өндөр түвшний мэдлэг, чадвартай байх, Academic IELTS 7.0 болон түүнээс дээш оноо (түүнтэй дүйцэх)-той байх, эсхүл гадаад улсын англи хэл дээр үндсэн хөтөлбөр бүхий их дээд сургуулийн үндсэн бакалаврын хөтөлбөр дүүргэсэн байх;
6. Microsoft Office болон хэрэглээний программуудыг бүрэн эзэмшсэн, мэдээлэл харилцааны технологийг ашиглах чадвартай байх.

Бүрдүүлэх материал

1. Сонгон шалгаруулалтад оролцох хүсэлт (Сонгон шалгаруулалтад оролцох хүсэлтээ тодорхой бичиж, өөрийн мэдлэг, ур чадвар, туршлага, өмнөх албан тушаалын чиг үүрэг зэргийг дурдсан);
2. Анкет (Төрийн албан хаагчийн хувийн хэрэг хөтлөх журмын 1 дүгээр хавсралт, 2025 он); 
3. CV (өөрийн хүссэн загвараар);
4. Боловсролын диплом, мэргэжлийн үнэмлэх, гадаад хэлний мэдлэг чадвар, мэргэжлийн зэргийг илэрхийлэх гэрчилгээ, сургалт семинарт хамрагдсан гэрчилгээ, сертификатын хуулбар; 
5. Нийгмийн даатгалын шимтгэл төлөлт, иргэний үнэмлэх, эрүүгийн хариуцлага хүлээж байсан эсэх тухай e-mongolia лавлагаа;
6. Ажлын туршлагыг нотлох баримт бичиг (урьд ажиллаж байсан байгууллагын тодорхойлолт; ажилд томилогдсон, чөлөөлөгдсөн тушаал);
7. Шаардлагатай гэж үзсэн бусад нэмэлт баримт, материал.

Сонгон шалгаруулалтын үе шат

Сонгон шалгаруулалт нь баримт бичгийг хянах, шалгалт авах, сонгон шалгаруулалтын дүнг гаргах үе шаттай байна. Шалгалтын үе шатыг танхимаар буюу биечлэн ирж оролцохоор зохион байгуулах ба оролцогчдын мэдлэгийн түвшин, асуудал шийдвэрлэх чадвар, зан байдал, хандлагыг тодорхойлоход чиглэнэ.

Сонгон шалгаруулалт явагдах газрын хаяг:

Улаанбаатар хот, 14240, Сүхбаатар дүүрэг, 1 дүгээр хороо, Олимпын гудамж 13, Ай Ти Си цамхаг, 10 дугаар давхар, “Эрдэнэс Оюу толгой” ХХК-ийн байр. Утас: 70078085, Цахим хуудас: www.eot.mn, и-мэйл: [email protected]

Материал хүлээн авах хаяг, хугацаа:

Материалыг цахим (нэг pdf файл)-аар бэлтгэж, 2026 оны 09 дүгээр сарын 24-ний өдрийн 11:00 цагаас өмнө [email protected] цахим хаягаар ирүүлнэ үү.

Материал хүлээн авсантай холбоотой компани тухайн оролцогчийн өмнө аливаа хариуцлага хүлээхгүй болно.

СОНГОН ШАЛГАРУУЛАЛТЫН АЖЛЫН ХЭСЭГ